陳敏之 慶祝自己間曲奇餅店開張3週年

28 十月 2017
陳敏之為慶祝自己間曲奇餅店開張3週年,今日喺尖沙嘴分店慶祝,兼宣佈餅店設新商標,更帶同10個月大囝囝雷子樂(雷冬至)一齊巡舖,老友薛世恒等親友前嚟捧場。 現時已有6間舖,敏之希望農曆年前開另一分店,明年再開多幾間,正物色舖位。雖然兼顧生意,但敏之話唔會減少拍劇嚟做生意:「反而我想抽多啲時間拍劇,舖頭都上咗軌道,想做多啲唔同角色,拍劇好好玩。」 生意越做越大,被問可有演員想合資?敏之指行商不易,就算有亦會勸同事諗清楚。雖然工作量多,但佢有計劃追多個B:「再生多個都係我嘅計劃,想幫阿仔搵個伴,但唔會係今年嘅事,o依家連瞓覺時間都冇。」

Reference:  蘋果 娛樂動新聞

news