Buy 2 Cookies or Pastry or Mooncake Gift Boxes (except 8pcs of cookies / Mini Box / Bon Voyage Cookie Gift Box) can enjoy Free Epidemic Prevention Keemun Black Tea with Ganoderma and Ginger and Free Shipping

【澳門】Blesscuit 祝奇餅。好意頭曲奇餅掃餐牌報告

【2016-4月中旬】
日前有幸獲邀來到這家由長腿女神陳敏之開的曲奇餅店。實不相瞞,幾個月前我路過此店時,已被繽紛Sharp醒的店面吸左埋去,無奈當天剛吃飽飯,連試食的戰鬥力都欠奉,所以單純到此一遊。這回一次過補番晒,仲要有機會掃餐牌,在此謝過店家先!
 
目前Blesscuit在澳門有兩間分店,一家在連勝馬路,當天來到這一家在黑沙環區的分店,位置在君悅灣,東方明珠巴士總站對出。紅金招牌超醒目。
店內色彩繽紛,睇見都開心。
 
首先你會見到這些宮廷式玻璃兜,裡面有各種味道的曲奇餅。
正所謂唔買都要試下,店員問我想試邊款,我面皮成尺厚咁話「唔好意思我會試晒」(肯定句式)。
冇錯,14款曲奇,每隻都咁特別,叫人點揀?唯有「D. 以上皆食」
仲有4款牛油千層酥。試!仲要用特別ge食用方法來試!有幾特別?稍後揭曉!
食到喉嚨乾乾地,店員會沖杯茶過你飲。公關小姐說現在他們還在選茶的過程中,這天喝到Twining's,話晒英國名茶,有Heart喎!
Blesscuit這個字,是「Blessings」和「Biscuit」二字合體,也就是「祝福的餅乾」。其實背後有段估架喎!
原來整餅師傅會在整餅的同時對麵團講一些祝福語,好似施魔法咁,希望吃曲奇餅的客人能接收到這份正能量。
(其實都唔係冇科學根據。有報告指,水分子的形狀會受聲音影響,聽著語調溫柔的說話的水分子能結成完整漂亮的雪花狀。詳情可看此書。)
 
繼我話Blesscuit大紅大紫的包裝都已經夠晒喜氣,啱晒用來送禮!
有結婚禮盒套裝。
細細盒的回禮套裝。
仲可以揀番張心意卡。
單味曲奇小盒裝,送俾人又得,送俾自己都得,得左。
祝・平安 PEACE (49pcs) MOP348
這一盒是曲奇餅曬冷組合,全14款曲奇餅有齊。色彩繽紛超吸睛。
一睇說明書先知,原來曲奇餅材料大部分是來佬貨,唔係法國就係意大利加拿大英國美國,每一啖都坐飛機過來的。用料純天然,手工製作,連粘合劑都冇落,食得安心無負擔。
你可能會唔知邊隻味打邊隻,其實包裝背部有個Code,對照番說明書就解倒碼喇~
事不宜遲,全部14款味道,開晒俾大家參考!! 
Liquid error: Could not find asset snippets/sloyalty-statusbar.liquid
Liquid error: Could not find asset snippets/lootly-launcher.liquid